A Xunta premia a vinte explotacións galegas polas súas condicións hixiénico-sanitarias
A conselleira Ánxeles Vázquez entregou os premios no Pazo de Cores, no concello da Baña.
A consellería do Medio Rural botou a andar os premios Exceleite para recoñecer o traballo das explotación gandeiras galegas no ámbito hixiénico-sanitario.En colaboración co Laboratorio Interprofesional Galego de Análise do Leite (Ligal), seleccionáronse 50 explotacións das 5.000 granxas galegas inscritas no Rexistros de Explotacións Leiteiras de Calidade Diferenciada (Recaldi). E finalmente 20 foron as que recibiron os dous premios que había en cada categoría.
Para a conselleira Ánxeles Vázquez estes premios son “un recoñecemento ao bo facer dos nosos gandeiros, que se erguen todos os días coa firme convicción da procura da excelencia na produción do seu leite”. Vázquez pensa que “son un exemplo a seguir, para darnos conta de que desde o noso agro podemos xerar produtos non só de calidade, senón tamén dunhas características organolépticas inigualables”.
A entrega de premios desenvolveuse no Pazo de Cores, do concello da Baña. No mesmo acto a conselleira do Medio Rural aproveitou para manifestar que o prezo do leite estaba nunha media dun 31,1 cts e que Galicia estaba a consolidarse como líder nacional producindo preto do 40% do total español, concentrando o 56% dos gandeiros do Estado e xerando uns 1.000 millóns de euros anuais en volume de negocio.
Relación das explotacións que recibiron o primeiro premio e a categoría respectiva.
SAT Casa Menor(Boimorto)- Grande – Extensivo
Ganadería Casa Landeira de Oa (Trazo)- Grande-Semiextensivo
Ganadería Novoa(Frades)-Grande-Intensivo
Ángel Rivas Lamas(Friol)-Mediano-Extensivo
Carmen Iglesias Veiras(Ordes)-Mediano-Semiextensivo
José Manuel Vidal(Aranga)- Mediano-Intensivo
Benito Mouriño(Silleda)-Pequeno-Extensivo
Elena Recarey García(Santa Comba)- Pequeño-Semiextensivo
Concepción Fernández Moure(Chantada)-Pequeño Intensivo
Ángel Rivas(Friol)- ecolóxico