Asistirán representantes de Coalición Galega, Compromiso por Galicia, Converxencia XXI, Partido Galeguista, Vía Nova e Xuntos Podemos.
Coalición Galega coordina un acto en homenaxe a Eulogio Gómez Franqueira con motivo do centenario do seu nacemento, e que consistirá nunha ofrenda floral no cemiterio de Santo Estevo de Castrelo de Miño, en Ourense, onde repousan os restos do “fundador de Coalición Galega e de sociedades cooperativistas que deron un importante impulso económico ao rural galego”, indican desde a formación galeguista.
Será este vindeiro sábado, 10 de xuño, á unha do mediodía. Segundo confirmou a Adiante Galicia, o secretario xeral de Coalición Galega, Fernando Alonso, asistirán representantes de Coalición Galega, Compromiso por Galicia, Converxencia XXI, Partido Galeguista, Vía Nova e Xuntos Podemos.Desde Coalición Galega consideran que Franqueira é “un dos homes máis ilustres e comprometidos que deu a provincia de Ourense e Galiza”.
Gómez Franqueira
Eulogio Gómez Franqueira naceu o 6 de xuño de 2017 en Cenlle, na provincia de Ourense. Foi mestre, empresario e político. Foi concelleiro e Procurador en Cortes durante a Ditadura. En 1977 funda o Grupo Orensano Democrático , que se acabaría integrando na Unión de Centro Democrático. Foi deputado durante tres lexislaturas no Congreso e posteriormente fundou Centristas de Ourense e Coalición Galega. Como empresario foi o impulsor de Coren, entre outras iniciativas.