-Vai calar ante o maior recortazo da historia das inversións do estado en Galiza?—pregunta Ana Pontón no Parlamento Galego.
Unha declaración institucional para denunciar o agravio
A voceira do BNG, Ana Pontón, propuxo no Parlamento de Galicia unha declaración institucional “para decirlle a Rajoy que non aceptamos uns orzamentos que discriminan a Galiza” convidando ao presidente da Xunta a “atreverse” a poñerse “de lado dos intereses dos galegos”.
Na quenda de preguntas ao presidente, Pontón preguntoulle se “vai calar ante o maior recortazo da historia das inversións do estado en Galiza” e tildou a Feijóo de actuar como “palmeiro” na recente visita de Soraya Saenz de Santamaría a Santiago de Compostela.
Para Ana Pontón, os orzamentos suponen “un agravio ao noso país e unha labazada na cara dos galegos” con 442 millóns de euros menos cando vai subirá a recadación de impostos.
O BNG quere un plan de futuro para o rural galego
Na súa intervención preguntou se a Xunta ten “algún plan serio para o rural” e denunciou unha situación de “xenocidio” que non se vai solucionar “co seu departamento de publicidade e propaganda”.
Ana Pontón alertou que desde que goberna Núñez Feijóo “Galiza lidera a perda de poboación en todo o estado” e cualificou o “plan de fixación” presentado polo goberno galego como un “remake” do antigo Plan de Desenvolvemento Rural.“A metade da poboación que se perdeu no rural é de Galiza e vostede dínos que estamos mellor” lamentou a deputada nacionalista.
Desde o BNG consideran fundamental “pechar ciclos productivos”, unha nova política forestal e a mellora dos servizos ferroviarios, dentro dun plan que impida que “vivir no mundo rural non te convirta en cidadán de segunda”.
No tocante os “impostos cero” aos que alude o presidente da Xunta, Pontón manifestou:”Non sei se iso é o catastrazo de Rajoy”.
