Sánchez quere afondar da unidade popular. Xosé Manuel Beiras despídese da primeira fila sendo o candidato máis votado da asemblea.
Antón Sánchez García é o novo voceiro de Anova logo da III asemblea celebrada esta pasada fin de semana en Pontevedra baixo o lema de “Galiza no camiño da unidade popular”.
Baixa participación e críticas desde un sector
Liderou a única candidatura presentada, que foi apoiada polo 82,3% dos votos, aínda que curiosamente foi Xosé Manuel Beiras o máis votado, por diante de Martiño Noriega e o propio Sánchez. Había 700 persoas con dereito da voto das cales participaron preto de 200.
Logo desta cita asemblearia, Anova reduce o seu órgano de goberno que pasa de 75 a 50 integrantes. Desde o sector crítico encabezado polo deputado autonómico Davide Rodríguez e pola deputada estatal de En Marea, Alexandra Fernández rexeitaron a posibilidade de que haxa unha ruptura no partido pero lamentaron que a única candidatura presentada non fora máis integradora.
Unha unidade popular innegociable
Antón Sánchez avogou por continuar afondando na unidade popular e anunciou que “dende xa traballaremos para ser unha ferramenta útil para a loita pola emancipación”.
Sánchez recolleu o testemuño do histórico Xosé Manuel Beiras que no seu discurso na asemblea dixo que «Anova ten que ser un proxecto cun horizonte rupturista, polo menos co ultraliberalismo».Beiras indicou que era o momento de “pasar a outra forma de combate”.