O presidente provincial convida desde Camariñas a que se curen as feridas que poidan existir nalgunhas agrupacións locais e a traballar en equipo de cara as eleccións municipais.
Reunión Cambre-Culleredo-Carral
Rolda de xuntanzas en vinte microcomarcas
O presidente provincial do Partido Popular, Diego Calvo, iniciou un novo percorrido pola provincia, dividida en vinte microcomarcas, para entrar máis de cheo nos problemas concretos dos concellos.
A segunda parada no seu periplo foi en Camariñas, onde Calvo e mailo vicesecretario Evaristo Ben, reuníronse con militantes dos concellos de Camariñas, Zas, Vimianzo e Dumbría.“Aquí cabemos todos. É o momento de esquecer vellos problemas ou malentendidos e traballar unidos. Cando estamos unidos e fortes, os nosos votantes responden”. A mensaxe lanzada por Diego Calvo desde Camariñas non é menor.
O presidente provincial sabe que por toda a xeografía coruñesa hai exemplos claro de divisións internas do Partido Popular que derivaron nas listas oficiais do partido e en formacións independentes, o grupos de persoas que pasaron a formar parte ou simplemente apoiar outras opcións. E hai numerosos exemplos en todo o territorio. Mesmo en Camariñas na pasada lexislatura coa polémica renuncia de Daniel Rego.
En Camariñas
Calvo pide “sumar e non restar”
Aínda que cada elección é diferente hai casos onde a diferencia de votos do PP é desorbitada. Isto significa que algo falla. É unha das razóns son as liortas internas.Por iso Calvo insiste en querer mobilizar ao partido e en tender a man para “traballar en equipo” e “sumar e non restar” como claves para poder ganar as eleccións municipais.
“Entendemos a mensaxe que nos deron os nosos votantes no ano 2015, que nos pediron un partido máis pegado á rúa e máis pendente dos seus problemas”.
Na xuntanza de Camariñas estiveron presentes os voceiros municipais de Vimianzo, Raquel Rodríguez, Camariñas, Mauro Aufiero, Zas, David Gómez, e Dumbría, Manuel Barcia.A rolda de xuntanzas iniciouse cun encontro cos afiliados e simpatizantes do partido en Culleredo, Carral e Cambre.
