Feijóo:“Imos pulsar a situación do partido na Coruña e en Lugo para vislumbrar que posible candidatos ou candidatas pode haber para maio de 2019”.
.jpg)
O presidente da Xunta, Alberto Núñez Feijóo, reiterou que Ferroatlántica(Ferroglobe) deberá cumprir a lei e “para executar a venta necesitan a autorización da Xunta de Galicia” e “de momento esa empresa non notificou a comunicación da venta e non hai ningún expediente aberto”.
Nunha entrevista na Radio Galega recoñeceu que “a empresa comunicou oralmente distintas posibilidades” e mantivo contactos verbais co goberno galego “pero unha cousa é falar e outra notificar”.
Alberto Núñez Feijóo asegurou que está a favor de manter ou incrementar os postos de traballo na Costa da Morte e en Sabón:”Se a empresa plantexa algo que cumpra a lei, que se acredite un interese público e que manteña os postos de traballo, pois pode ter viabilidade o seu proxecto pero, se non se acreditan eses tres puntos, evidentemente nos non podemos actuar”.
Congresos locais:”Haberá novos liderazgos e outros que repitan”
Feijóo tamén se referiu aos congresos locais do PP en Lugo e A Coruña que permitirán ir perfilando aos aspirantes as alcaldías:»Non é automática a designación do Presidente local do partido para ser candidato á alcaldía pero, si é certo, que imos pulsar a situación do partido na Coruña e en Lugo para vislumbrar que posible candidato pode haber para maio de 2019″.Con respecto aos congresos que se van a celebrar en Galicia sinalou que “haberá novos liderazgos e outros que repitan”.
Nesta entrevista ao xornalista Xavier Ares na radio autonómica, o presidente da Xunta fixo un balance moi negativo dos gobernos en varias cidades galegas:
Levamos dous anos dende as eleccións de 2015 e hai vilas que aínda non teñen presuposto e se vostede intenta buscar. Que se fixo novo en Santiago?, que novidade hai na Coruña?, como vai a vida municipal en Ferrol?, que cuestións se fixeron en todos eses concellos? Pois eu non son capaz de atopar ningunha nova. Paralizadas, desmotivadas, e o que imos ofrecer aos galegos desas vilas é unha posibilidade primeiro, de ter un goberno estable; segundo, de ter un goberno que goberne; e terceiro, que esas vilas volvan outra vez a unha actuación normal”.
