O alcalde de Boqueixón, Ovidio Rodeiro Tato, é o novo delegado territorial da Xunta de Galicia na provincia coruñesa.
A pesar de ser novo, non chega aos 45 anos,Ovidio Rodeiro reúne varias cualidades que puideron provocar o seu nomeamento. Coñecedor da política municipal, pero tamén da maquinaria administrativa autonómica é ademais un activo dirixente do Partido Popular.No último congreso do Partido Popular de Galicia, Alberto Núñez Feijóo nomeou a Rodeiro, coordinador de Novas Tecnoloxías do partido, un campo que foi gañando moito peso no último ano na estrutura da formación conservadora.
Rodeiro regresa á Xunta de Galicia, nesta ocasión como delegado territorial, despois de exercer durante anos como Director Xeral de Xuventude.
Desde 2015 era o alcalde do concello de Boqueixón onde gobernaba con maioría absoluta. Pero a súa experiencia na política local non se limita a isto, xa que foi con anterioridade primeiro tenente de alcalde nos gobernos de Adolfo Gacio.