//Autocrítica postelectoral:”Creo que tódalas persoas que dimos mitins vimos que algo fallaba”// Denuncia un bloqueo permanente de PP e PSOE ós gobernos da Coruña, Santiago e Ferrol//
A coordinadora de Esquerda Unida e deputada estatal de En Marea,Yolanda Díaz, recoñeceu que os resultados das pasadas eleccións autonómicas non foron os que se agardaban:”Tiñamos outras expectativas.Non traballábamos para este resultado.É moi duro que Alberto Núñez Feijóo mellore o seu resultado. Sacou máis votos que no 2012 e temos que facer autocrítica”.
“Creo que tódalas persoas que dimos mitins vimos que algo fallaba. Non sei o que fallou,pero creo que o noso discurso é o da disputa democrática, é o do discurso das estafas groseiras que está vivindo a xente. Non sei que fallou, non sei que fallou, pero creo que iso si temos que facelo en En Marea, tomarnos en serio estas cousas, non para tirarnos trastos á cabeza nin moito menos, senón para mellorar” apuntou Díaz nunha entrevista na Radio Galega feita polo xornalista Xavier Ares.
Boicoteo permanente aos gobernos do cambio
Tamén se referiu a situación dos gobernos da Coruña, Santiago e Ferrol e criticou o “desprezo” e a falta de respecto institucional do presidente da Xunta de Galicia e ao “boicoteo permanente” do PP e do PSOE “porque non están condenando nin castigando a Xulio Ferreiro, Martiño Noriega e Jorge Suárez. Están castigando á cidadanía e iso en democracia ten un nome moi feo.
Yolanda Díaz rexeitou ás filtracións internas sobre as peticións de Luís Villares para exercer a súa laboura:”Combato todas as filtracións. Estas e todas as demais.Como levamos un ano con filtracións, paréceme que é bastante feo facer estas cousas. É unha mala praxe política”
.
Sobre o futuro inmediato de En Marea opina que hai que ensanchar a Marea e incorporar a toda a xente que non está” e lonxe das visións partidistas hai que estar na rúa:”Necesitamos á xente organizada na rúa porque veñen tempos duros con recortes con privatizacions”.
