//Estudan presentar unha denuncia contra Lactalis na Audiencia Nacional// Roberto García:“non chega con códigos de boas prácticas, hai máis dun ano do acordo histórico de Madrid e seguimos parados”// Unións Agrarias valora positivamente os movementos que se están a dar no sector lácteo//
o secretario xeral de Unións Agrarias espera que o presidente da Xunta, Alberto Núñez Feijóo, cumpra os seus compromisos e “esta sexa a lexislatura do rural” e ademáis está convencido de que a “aritmética parlamentaria” estatal permitirá trasladar os problemas dos gandeiros as cortes españolas.
“Non chega con códigos de boas prácticas, hai máis dun ano do acordo histórico de Madrid e seguimos parados” lamentou o dirixente agrario no programa Galicia por Diante da Radio Galega, emprazando á administración a “tomar decisións para a mobilización de terras porque hai unhas 600.000 hectáreas que están paradas” e que servirían para abaratar custes aos agricultores e evitar focos de incendios.
Roberto García opina que “o banco de terras non resolve o problema” e debe recurrirse a “elementos coercitivos sen tocar a propiedade privada”. Outro dos retos é que se garanta o relevo xeracional nas explotacións e se resolva a fenda que existe entre o medio rural e urbano.Desde Unións Agrarias tamén se propón un replantexamento da Política Agraria Común, para apoiar aos gandeiros activas xa que “España ten marxe para decidir”, e que se traballe para “poñerlle valor engadido ao que producimos”. Para o sindicato moitas das solucións dependen “da vontade política”.
Roberto García tamén expresou a súa preocupación pola necesidade de regular a figura dos primeiros compradores:”non hai garantía de que os primeiros compradores respondan das débedas”. Asegurou que teñen identificadas unhas 200 persoas que levan varios meses sen cobrar o leite que producen.Tivo palabras para a distribución que “utiliza o leite e o aceite para ganar clientes e estrangula a formación de prezos”. Con todo isto, García declarouse “medianamente optimista” pola suba dos prezos de intervención do leite en pó e da manteiga, pola unión das cooperativas Xallas, Feiraco, Melisanto e Os Irmandiños, ou polo anuncio da construción por parte de Dairylac dunha torre en Melide por parte de .”É unha boa noticia que se traballe e son pasos adiante” dixo.
O líder de Unións Agrarias tamén confirmou que manteñen o boicot a Lactalis e están estudando a posibilidade de presentar unha denuncia na Audiencia Nacional por un presunto “delito de maquinación para alterar o prezo do leite”.Roberto García pide que Lactalis “cumpra en España o comportamento que ten cos gandeiros franceses”.