A portavoz do BNG propón a creación dun grupo lácteo galego e critica a acción do goberno do Partido Popular.
A portavoz nacional do BNG, Ana Pontón criticou os baixos prezos que os produtores percibe polo leite e afirmou que “A primeira decisión é garantir un prezo xusto para os produtores cunha intervención directa da Administración no mercado para evitar o dumping que se da neste sector en Galiza”.
Nunha visita as instalacións da cooperativa Feiraco en Ponte Maceira, Pontón fixo unha radiografía critica so sector durante o goberno de Núñez Feijóo:“Hai tres datos que son clarificadores da delicada situación do sector: os gandeiros e gandeiras deste país seguen cobrando o prezo máis baixo do leite en todo o Estado, sete de cada dez explotacións leiteiras que pecharon en 2015 eran galegas e desde que goberna Feijóo botaron o peche 4.300 explotacións”.
A tamén candidata do BNG á presidencia da Xunta de Galicia, presentou as propostas que se recollerán no programa electoral como a “aposta por un Plan estratéxico de apoio a produción e a diversificación, que teña como elemento central a creación dun Grupo lácteo galego desde o que se coordinen todas as iniciativas actuais e futuras”. Incidiu ademais na importancia do sector leiteiro para garantir o equilibrio territorial e a supervivencia do medio rural porque e a xente que agora vive no rural abandona, veremos como as silvas acaban comendo todo”.
Ana Pontón visitou Feiraco acompañada por Xosé Luís Rivas “Mini. Mantivo un encontro coa dirección da cooperativa encabezada polo presidente, José Montes, e polo director xeral, José Luis Antuña.
