“Conxurámonos para conseguir máis autogoberno, máis benestar e mellor calidade de vida” afirma Xoán Bascuas.
Cúmprense oitenta anos da aprobación do primeiro Estatuto de autonomía de Galicia mediante un plebiscito celebrado en Galicia precisamente o 28 de xuño de 1936.Compromiso por Galicia quixo conmemorar esta efeméride e difundiu a través das redes sociais unha iconografía.
Ademais, o secretario xeral e candidato á presidencia da Xunta, Xoán Bascuas fixo unha declaración na que destaca que a aprobación do primeiro estatuto de Galicia foi “froito do orgullo de todo un pobo” e asegurou que Compromiso por Galicia recolleu a testemuña dos devanceiros galeguistas:”Aquel esforzo ten unha continuidade en Compromiso por Galicia”.
Bascuas valora o traballo dos impulsores do Estatuto de 1936
Bascuas puxo en valor o traballo realizado “por aqueles galeguistas para dotar ao país de máis autogoberno e competencias, e poder configurar un goberno de seu”.Na súa declaración pública quixo deixar clara a súa postura e sinalou:“Conxurámonos para conseguir máis autogoberno, máis benestar e mellor calidade de vida”.
Desde Compromiso por Galicia expresaron a súa vontade por seguir traballando en defensa dos intereses de Galicia. A formación galeguista vai concorrer ás eleccións autonómicas e de feito xa elixiu ós candidatos polas catro provincias galegas:Xoán Bascuas(A Coruña), Juan Carlos Piñeiro Docampo(Lugo), Xosé Mosquera Casero(Ourense) e Andrés Núñez Rajoy(Pontevedra).
