A candidata do BNG por Ourense pediu o voto para o BNG porque esta organización constitúe “unha garantía desde a humildade para facer un traballo diferente e conseguir unha voz propia en Madrid”, como alterntiava “a seis meses de tempo perdido”.
Entrevista completa
Noa Presas agarda que o Bloque obteña representación porque “nun escenario sen maiorías absolutas sería importante ter un representante nacionalista” con capacidade para “esixir solucions e recursos para decidir nós mesmos”.Sobre o espazo nacionalista que outras forzas tamén reivindican, Presas sinalou que “nós sempre traballamos desde o nacionalismo e a esquerda” e puxo como exemplo a dúas décadas con representantes do BNG no parlamento estatal.
Entre as cuestión prioritarias, mencionou un novo modelo de financiamento para que “haxa unha Facenda galega con control público e que decidamos cales son as nosas prioridades” ou o rescate das concesións hidráulicas que permitan un abaratamento da factura eléctrica.
A candidata nacionalista ten claro que “os problemas de Ourense son alleos para as forzas estatais” que “non coñecen a realidade do país nin lles importamos o máis mínimo, nin desde a esquerda nin desde a dereita”.
Para Noa Presas hai un interese en trasladar a sensación de que non hai campaña electoral e que todo dependa da polarización PP-Podemos e das televisión, pero insistiu que o BNG pretende “levar as súas propostas a pe de rúa”.