Compromiso por Galicia xa ten cabezas de lista.”Estou convencido de que estas eleccións autonómicas van ser unha pedra de toque para Compromiso”asegura Xoán Bascuas a Adiante Galicia.
Bascuas en #AdianteTV
A primera forza do país en elixir os seus cabezas de lista
O Consello Político Nacional dou luz verde os cabezas de lista ás vindeiras eleccións ao Parlamento Galego. Deste xeito mentres as demais forzas políticas preparan a cita electoral do 26-X, Compromiso xa quenta motores para as eleccións autonómicas “as que verdadeiramente importan”.
Xoán Bascuas é o candidato galeguista á presidencia da Xunta de Galicia e cabeza de lista pola Coruña. Juan Carlos Piñeiro Docampo(Lugo), Xosé Mosquera(Ourense) e Andrés Núñez Rajoy(Pontevedra) completan a primeira liña de Compromiso.
Nunha entrevista a Adiante Galicia o secretario xeral e aspirante á presidencia da Xunta de Galicia puxo en valor o feito de que “Somos a primeira forza política do país que escolleu os cabezas de lista polas catro circunscricións galegas”, o que “é unha metáfora mesma de que o que lle importa a Compromiso é Galicia”.
.jpg)
Bascuas propón un discurso sereno, construtivo e propositivo
A partir de agora os galeguistas inician un intenso percorrido:”Temos que facer un importante traballo orgánico para poñer a organización en perfecto estado operativo, para lanzar a nosa mensaxe e para que a xente visualice a nosa opción progresista, galeguista, socialdemócrata e referencial para o país” manifestou Xoán Bascuas.
O dirixente galeguista vaticina que a campaña das eleccións de outubro será “moi agresiva” e non se falará de política. Pero adiantou que Compromiso establecerá “un discurso sereno, tranquilo, construtivo e propositivo”.
“Estou convencido de que estas eleccións van ser unha pedra de toque para Compromiso” dixo Bascuas que lanzou unha mensaxe “para aquela xente que xa non ve que o PP defenda os intereses do país, aquela xente que que pensa que o PSOE non responde os parámetros da socialdemocracia e aqueles nacionalistas e galeguistas que non teñen unha forza que lles dea acubillo.Hai opción de que haxa unha forza política propia e moderada”.
