A Deputación da Coruña licita obras de mellora na rede provincial de estradas por importe de máis de 16 millóns de euros.
O deputado responsable da área de Vías e Obras da Deputación provincial de A Coruña, José Manuel Pequeño Castro destaca “o importante ritmo inversor que, grazas a unha xestión eficaz dos recursos, está a levar a cabo a área de Vías e Obras da Deputación da Coruña dende a entrada, hai sete meses, do novo Goberno provincial presidido por Valentín González Formoso”.Pequeño incidiu na importancia que esgte volume inversor vai ter “tanto na mellora das infraestruturas viais como na creación e mantemento do emprego nas numerosas empresas da provincia que se encargan de realizar os traballos”.
Segundo fontes do goberno provincial neste momentos están en fase de licitación obras de mellora e conservación na rede provincial de estradas por importe de 16.128.239,40 euros, que se correponden cun total de 15 obras noutros tantos concellos da provincia, ás que hai que sumar o Plan de Conservación de Estradas 2016, que ascende a 11,3 millóns de euros e que contempla a execución de distintos traballos de mellora do firme, rebacheo e limpeza de cunetas nos 2.105 quilómetros de estradas cos que conta a rede viaria provincial.
O responsable de Vías e Obras provincial, e tamén alcalde de Dumbría, José Manuel Pequeño pensa que a idea de aprobar o plan de conservación a finais do ano 2015 “vai a permitir axilizar a contratación e execución das obras incluidas no mesmo e realizalas durante a época de bó tempo, de xeito que a maior parte delas estean rematadas antes da época estival”.Ademáis destes importantes investimentos, o organismo provincial coruñés aprobou en pleno 1,5 millóns de euros máis para sete proxectos de mellora en estradas provinciais que saíran a licitación próximamente e está a levar a cabo expropiacións noutros sete viais por importe de preto de 4 millóns.