Carlos Aymerich pensa que o BNG seguirá o seu camiño en solitario ainda que entende que é unha decisión equivocada. É partidario de reforzar “o polo nacionalista” do espazo En Marea.
“Hai que refundar o espazo atomizado do nacionalismo de esquerda”
O secretario xeral da Universidade da Coruña e exdeputado do BNG,Carlos Aymerich aposta por “refundar o espazo atomizado do nacionalismo de esquerda” despois do remate dun “ciclo electoral” reforzando “o polo nacionalista” de En Marea, que entende que é o sitio “onde se pode facer un traballo político”.
Aymerich Cano non percibe a ANOVA coma un rival e pensa que “O Bloque ten que decidirse se quere apuntalar outras alternativas”. Nunha entrevista no “Galicia por Diante” da Radio Galega, asegura que “O BNG xa o liquidaron como marca” nas pasadas xerais coa coalición Nós.
“Xavier Vence poido ter petado na mesa antes”
O militante nacionalista preguntouse se “o obxectivo é que permanezan determinados colectivos como a UPG ou o Movemento Galego ao Socialismo”. Desde a súa perspectiva sería necesario “disolver os colectivos” que existen no BNG. Lamentou que Xavier Vence non aportara as súas reflexións críticas con anterioridade e lembrou que “foi posto pola UPG”. Aínda así cree que “Vence poido ter petado na mesa antes”.
Carlos Aymerich está disposto a plantexar estas propostas na XV Asemblea Nacional pero non ten esperanzas de que haxa un cambio de rumbo no BNG:”Esa posición de manter o camiño en solitario é a que vai sair”afirmou.
Hai cuestións que non comprende Aymerich como que “O Bloque que goberna co PSOE nas deputacions non chega a acordos coas mareas en Santiago ou na Coruña”.