Adiante Galicia é xa un dos diarios dixitais máis populares de Galicia. Unha web feita nunha zona rural que supera a medios dixitais que contan con soportes empresariais e potentes redaccións en comparación con este humilde pero exitoso xornal.
Xosé Manuel Lema
Un día coma hoxe, fai un ano, botamos a andar a nosa nave xornalística. Nacía Adiante Galicia, con moita ilusión, escasos recursos e o obxectivo de ir buscando un oco entre a variada oferta informativa dixital existente no Fogar de Breogán.
Con moito esforzo conseguimos en tan só un ano un fito histórico, que a nós mesmos nos sorprendeu gratamente. Converter a Adiante Galicia nun dos diarios dixitais máis populares do país, segundo acredita o medidor independente Alexa. Unha web feita nunha comarca rural que supera en visitas e popularidade a cabeceiras que contan con soportes importantes e redaccións completas.
Por iso neste 8 de xullo, queremos agradecer a tódalas persoas que nos elixen cada día para informarse, a tódolos amigos e amigas que nos apoian nas redes sociais, para seguir medrando. Porque agora o obxectivo é seguir medrando. Ampliando horizontes pero fieis a nosa filosofía. Informar con compromiso, informar con responsabilidade, frescura e camiñar sempre polos vieiros da realidade e da verdade.
Tampouco me quero esquecer das persoas que, poucas pero eficientes, están achegando o seu grao de area para que hoxe nos poidamos sentir orgullosos de todo o camiño percorrido e ilusionados do futuro que nos queda por compartir. Adiante!!!!
E se queres colaborar connosco
Comparte as novas que che gusten en Facebook.
Séguenos en Twitter @AdianteGalicia
Colabora connosco- xmlema@adiantegalicia.es