O secretario xeral do PSdeG está convencido de que o partido está conectando coa sociedade. Xosé Ramón Gómez Besteiro confirma a súa intención de presentarse as eleccións autonómicas.
En condicións de mellorar os resultados
Xosé Ramón Gómez Besteiro está convencido de que a cidadanía galega “empeza a xirar a súa mirada cara o Partido Socialista”, e que os socialistas deben aproveitar ese novo contexto para realizar “unha campaña de proximidade”.
Opina que ós galegos “non lle valeron de nada as maiorías absolutas do PP” e anuncia que “imos a estar moi centrados no acercamento ós cidadáns”
Nunha entrevista no xornal La Voz de Galicia, Besteiro pensa que as vindeiras eleccións municipais poden ofrecer resultados moi positivos para o PSdeG:”Estamos en condicións de mellorar os resultados” afirma.
Defende a inocencia de López Orozco
O secretario xeral dos socialistas galegos volveu a defender ao alcalde de Lugo, Xosé Clemente López Orozco:“Dixen claramente que confiaba na súa inocencia, se iso non é poñer a man no lume, que baixe Deus”. Tamén confirmou o se desexo de presentarse as primarias para ser o candidato a presidencia da Xunta de Galicia.
Gómez Besteiro insistiu en recriminar a Alberto Núñez Feijóo unha suposta falta de compromiso co idioma do país e incluso o comparou co presidente fundador do Partido Popular, Manuel Fraga Iribarne:“Fraga, que foi un franquista, penso que quería moito máis a Galicia a ao galego que Feijóo, que non acredita na potencialidade da nosa lingua”.
Para o líder do PSdeG a língua galega “non está na axenda de Feijóo” e polo tanto hai un “desinterese absoluto pola súa promoción”.
