Unións Agrarias continúa informando sobre a PAC e a situación da producción láctea, cos baixos prezos que se están rexistrando, e o risco dun posible sobrepasamento.
Máis de douscentos gandeiros participaron nunha charla informativa convocada por Unións Agrarias en Santa Comba. Na mesma interviu o secretario de vacún de leite e gandería, Xavier Iglesias, que informou ao público sobre a PAC (política agraria común) “que está prácticamente pechada e da que só queda algún pequeno fleco”.
Iglesias tamén fixo fincapé nos baixos prezos do leite que se sitúan “como os máis baixos das comunidades autónomas e tamén da Unión Europea” e o que significa que “o paquete lácteo non está funcionando”, porque entre outros asuntos, non existe a figura dun mediador.
Sobre o posible sobrepasamento, Iglesias advertiu que “se chega a haber supertasa non vai a ser como calcula a administración” e aínda que se pode estar producindo por enriba da cota nacional, está convencido de que se produce “moitísimo menos ca análise dalgunhas administración”.
Iglesias, estivo acompañado por técnicos do sindicato e polo responsable comarcal Ángel Alvariño
