A deputada e secretaria local do PSdeG en Ferrol, Beatriz Sestayo ten claro que o Partido Socialista ten que “dar referentes ideolóxicos e de acción”.
Beatriz Sestayo iniciou o sprint final de cara as primarias do vindeiro 30 de novembro en Ferrol, cunha entrevista en Fórmula Fun e Adiante Galicia, na que agradeceu “confianza que depositaron” moitos militantes e que considera que “é froito dun traballo que levamos facendo xuntos e que se traduce en forma de avais”.
Sestayo aposta por unha alternativa do actual «goberno de apariencias» de Ferrol
Sestayo Doce lembrou que o obxetivo final é dar unha volta a situación política de Ferrol marcada pola “desvergonza e o caos absoluto” liderado por “un alcalde de apariencias”, José Manuel Rey Varela, que está a fronte “dunha cidade que bate récords de desemprego e emigración”.
A parlamentaria criticou que “O goberno adicouse a fotos absurdas e a inaugurar arquetas e aseos en cemiterios” promovendo unha imaxe de Ferrol como “cidade pantasma, oscura e sen vida”. En definitiva, para Sestayo a cidade departamental tivo “un goberno de profunda traición”, apostando por una alternativa socialista. “Hai esperanza por un cambio, porque Ferrol ten posibilidades e necesita un proceso de tranformación social” engadiu.
Escoitar a Julio Sacristán e Manolo Mirás
A pesares de que no seu caso presentou o 60% dos avais, Beatriz Sestayo non está dacordo con esta situación:“Eu defendín a non existencia de avais ou que houbera unha esixencia mínima para que calquera poidera participar”.
Sobre as primarias a secretaría provincial, lembrou que “o meu candidato favorito era Julio Iglesias” ao que definiu como “un alcalde exemplar”. Con respecto aos dous que quedan agora na loita, Manuel Mirás e Julio Sacristán, apuntou que “escoitarei atentamente e a militancia decidirá”.
Revitalizar a identidade socialista
Beatriz Sestayo demandou a revitalización “da identidade socialista” e pensa que “ten que haber cambios” na dirección provincial para “dar referentes ideolóxicos e de acción” para unir ao PSdeG.
Desde o punto de vista da secretaria do PSdeG ferrolán a organización ten que defender o seu proxecto:”O PSOE ten unha identidade propia que o diferencia. É unha forza de esquerdas, federalista e non nacionalista. Temos un ideario claro. O progreso social veu sempre da man do Partido Socialista”
Para Beatriz Sestayo está e a alternativa a dereita, as forzas nacionalistas e “a novas forzas que din que non son de dereitas nin de esquerdas”. Na entrevista no programa “Conversas na Encrucillada” de Fórmula Fun considerou que a esencia socialista está clara para a maioría:“Preocúpame cando algún dirixente do partido cae nalgunha deriva impropia .Pero os estatutos están claros e a inmensa maioría da militancia tamén o ten claro” .
