“Eu son máis de Podemos cós de Podemos” soltou o presidente da Xunta despois do Consello. Núñez Feijóo tamén tildou de decepcionante a entrevista co secretario xeral do PSdeG, Xosé Ramón Gómez Besteiro.
«Eu son máis de Podemos cós de Podemos»
A enquisa do CIS e o “efecto Podemos” deixaron un ronsel que chegou a comparecencia posterior ó Consello da Xunta de Galicia, por parte do presidente da Xunta de Galicia, Alberto Núñez Feijóo.En resposta ós xornalistas Alberto Núñez Feijóo emulou eo presidente de Extremadura, José Antonio Monago e logo de repasar as súas orixes dunha familia onde “non tiven ningún profesor universityario, nin abogados, nin persoas de clase social media ou burguesa, eu fun o primeiro de 23 netos e de tres que fomos a universidade” deixou unha chamativa reflexión:
“Eu son máis de Podemos cos de Podemos. Eu dende logo non pertenzo a ninguna casta. Hai os líderes dese movemento que son claros descendentes da burguesía española. Eu non teño nada en contra diso”.Feijóo deixou claro que o obxetivo do seu partido “non é ser vicepresidentes de Podemos, o noso obxetivo é presidir as institucións” e buscar a estabilidade “con maior intensidade” neste momento.
Decepcionado con Besteiro
O presidente da Xunta de Galicia considerou unha “decepción evidente” a xuntanza co secretario xeral do PSdeG, Xosé Ramón Gómez Besteiro xa que “nin trouxo propostas nin aceptou propostas” e dou a impresión de como “se o PSOE non tivera nin opinión, nin propostas nin alternativas”.
Feijóo recriminou a Besteiro o feito de “desentenderse da realidade social na que están vivindo” o que lle parede “unha frivolidade”. Iso sí asegurou que a entrevista estivo liderada pola «educación e a cordialidade».
FOTO www.xunta.es – Ana Varela