O secretario xeral de Compromiso por Galicia, Xoán Bascuas, pensa que o país necesita “unha voz acougada e sensata” que ofreza solucións aos problemas que existen diante “da orxía delictiva de excesos” a conta do erario público.
Xosé Manuel Lema
«Estamos nun pozo de esterco pero hai que resolver problemas»
Xoán Bascuas entende o ambiente socialmente crispado que se vive ante unha “orxia delictiva de excesos a conta do erario público” que estamos sufrindo.Asegura que “A corrupción fede. Estamos nun pozo cheo de esterco que nos impide ver a merda, pero cando saiamos do pozo hai que resolver problemas”. Pero pensa que esas respostas teñen que vir de “discursos políticos elaborados” e non por “eslógans mercantís”.
«No Parlamento estase a desenvolver un papel circense»
Bascuas é consciente que os “discursos maximalistas teñen unha resonancia maior” pero a filosofía de Compromiso por Galicia é a de “aportar solucións e non dar máis circo”.Nunha entrevista no programa “Conversas na Encrucillada” que se emite os sábados desde as 14,00 en Fórmula Fun Galicia, Xoán Bascuas, criticou o “espectáculo” que se está dando en foros coma o Parlamento de Galicia e está convencido de que “a xente agradecería unha voz sensata, acougada, e que dera solucións” porque na actualidade “tódalas forzas no parlamento están a desenvolver un papel circense e hai que volver a política de verdade”.
“Estamos ante unha orxía da corruptela onde os principais partidos compórtanse como se pertenceran ó crime organizado” e hai “sospeitas de que teñen estruturas para roubarlle cartos os veciños” apuntou o secretario xeral de Compromiso por Galicia, que insistiu en defender “o sentido común máis alá da carraxe”.
“Os delicuentes son das altas esferas e o PP é o partido que mira para os ricos” suliñou Xoán Bascuas.
