O Presidente da Xunta referiuse aos casos de corrupción días antes da súa xuntanza con Besteiro, e en vésperas da declaración de Pachi Vázquez como imputado e dunha manifestación nas cidades de Galicia.
“A efectos de sumarios non hai amigos nin enemigos”
O presidente da Xunta de Galicia, Alberto Núñez Feijóo aproveitou a comparecencia con motivo da consello da Xunta para falar da corrupción. Feijóo asegurou que está ben pedir perdón pero sobre todo o que queren os galegos é que se investigue.
“Hai que pedir perdón pero ademáis hai que pedir perdón actuando e denunciando os feitos” sinalou Feijóo convencido de que “o que queren saber os galegos e e que a efectos de sumarios, investigacions e denuncias non hai amigos nin enemigos”.
Besteiro con Feijóo e Pachi no xulgado
E precisamente Núñez Feijóo entrevistarase o vindeiro mércores cinco de novembro co secretario xeral do Partido Socialista de Galicia, Xosé Ramón Gómez Besteiro. Será en San Caetano e neste encontro falaráse sobre propostas estratéxicas para o futuro de Galicia e da corrupción política.
E mentras Besteiro se reúne con Núñez Feijóo, o mesmo día prestará declaración nos xulgados, Pachi Vázquez.O exsecretario xeral do PSdeG e actual deputado autonómico foi citado a declarar o próximo día 5 de novembro como imputado por suposta contratación irregular durante a súa etapa como alcalde do Carballiño (Ourense), entre 1995 e 2005.
Así o decidiu o instrutor do caso, o maxistrado do Tribunal Superior de Xustiza de Galicia (TSXG)José Antonio Ballesteros Pascual, nun auto asinado o pasado 17 de outubro polo que se incoa o sumario e se encarga a práctica de distintas dilixencias.
Manifestación contra a corrupción
A plataforma asociativa galega das Marchas da Dignidade convocou unha manifestación contra a corrupción baixo o lema “Pan, traballo e teito” e que se desenvolverá nas cidades galegas o vindeiro 6 de novembro.
E o sábado 29 de novembro tamén organizarán unha “toma simbólica” da praza do Obradoiro en Santiago de Compostela.