A vicepresidenta do Parlamento, Marisol Soneira destacou que PSOE coruñés poderá elixir directa e libremente ao seu secretario xeral mentras había dirixentes que pretendía “nomear a dedo a aqueles que perden os congresos”.
A vicepresidenta do Parlamento de Galicia e deputada autonómica do Partido Socialista, Marisol Soneira defendeu hoxe a xestión do exministro Francisco Caamaño a fronte da secretaría provincial dos socialistas coruñeses.
Nunha entrevista no programa “Na Encrucillada” que se emite en Radio Xallas e Fórmula Fun, Soneira louvou a “categoría intelectual, política e persoal” de Francisco Caamaño que segundo ela non souberon entender algúns membros do PSOE porque “non estaban afeitos” e non asumiron “o salto cualitativo importante” que se dou no partido.
“A primeira provincia de España con primarias”
Sobre o proceso de primarias, Marisol Soneira asegura que demostra que “imos por diante” e que A Coruña “será a primeira provincia de España onde van a poder elixir directamente e libremente ao seu secretario xeral”. Puxo como contraste ao Partido Popular “que elixe aos seus candidatos as municipais a dedo”.
«Algúns quería nomear a dedo aos que perden os congresos»
A deputada camariñana tamén se referiu ao intento dun sector do partido de constituir unha xunta xestora provincial porque querían “nomear a dedo a aqueles que perden os congresos e queren gañar nos despachos”. Soneira Tajes comentou que “esta xente andivo liando o palangre” pero que finalmente “Fran Caamaño tomou unha decisión responsable e peleouse porque houbera primarias na provincia da Coruña”.
Estas eleccións permitirán que “os militantes elixan ao seu secretario xeral e non que se faga desde os despachos de xeito dixital”.Marisol Soneira que anunciou a súa vontade ir “soltando lastre” e pasar a un segundo plano político destacou que Caamaño Domínguez “é un referente” para moitos socialistas en toda España.
