O voceiro parlamentario do BNG, Francisco Jorquera expresou a súa “preocupación” polos anuncios de Edgewater e anunciou a oposición rotunda do BNG a que se reactive o proxecto mineiro de Corcoesto.
O voceiro parlamentario do BNG, Francisco Jorquera Caselas, asegurou estar “moi preocupado” polos anuncios feitos deste Edgewater sobre as sús intencións de recupera-lo proxecto mineiro de Corcoesto.
Jorquera asegurou que desde o BNG “nos opoñeremos rotundamente a que este proxecto se reactive e poida chegar a materializarse” pola súa “afectación brutal para o medio ambiente” que tería na zona, e porque “destrúe máis postos de traballo dos que crea” e que ademáis supón un impedimento de “desenvolvemento doutros aproveitamentos económicos nos que a comarca de Bergantiños ten un extraordinario potencial”.
“É un modelo de desenvolvemento contraindicado para o noso país” apuntou o deputado nacionalista, en declaracións ao programa “Na Encrucillada” que dirixe Xosé Manuel Lema e que se emite en Radio Xallas e Fórmula Fun.Francisco Jorquera pensa que este proxecto mineiro “tiña que estar liquidado definitivamente”.
Entrevista con Francisco Jorquera- desde o minuto 21 do audio
