Sandra Vilela: ”Detrás de nós non hai ningún construtor, están os veciños de Muxía”
Esta é a entrevista con Sandra Vilela
A tenente de alcalde e portavoz do Partido Popular de Muxía está “moi contenta” coa “reacción súper positiva da xente” a pesar de encontrarse con “moitísimos problemas que solucionar” desde a chegada ao goberno:
“De outubro a decembro tivemos que pagar mas dun millón de euros en facturas. Temos unha situación preocupante porque houbo un gasto sen sentido e sen previsión”.
«No goberno temos moi boa relación e hai entendemento»
Respondeu as acusacións do portavoz do PSOE, Iago Toba, que asegurou que había encontronazos entre Independentes e Populares: “Non hai problemas. Temos moi boa relación e hai entendemento”.
E tamén falou sobre o xantar de Nadal: “Fixemos unha comida animados polo funcionariado” indicou Vilela que lembrou que era algo habitual que se deixou de facer cando Toba accedeu á alcaldía e durante “a época escura de Muxía”.
Aclarou que se convidara a todos os ex-alcaldes e dixo máis:”Hai 40 persoas que poden atestiguar que naquela comida non había ningún constructor”.
«Iago toba é un experto en contar mentiras»
Definiu a Iago Toba como “un experto en contar mentiras” que ten “unha rabieta”.
Nesta entrevista que se pode visualizar na nosa canle de Youtube, Sandra Vilela falou de Fitur e do “Percibe Muxía”, do Ano Xubilar do Santuario da Barca, ou das Letras Galegas que converteran a Muxía “nun dos centros culturais de Galicia”.
Afirmou que quedan moitas cousas por facer pero unha das prioridades é a unión: ”Tentamos facer pobo, que haxa unión. Muxía estaba socialmente moi dividida e queremos que a xente disfrute do seu pobo. Estamos conseguindo que o pobo se reconcilie”.
