“Eu non pido o voto. Os veciños saben se fixemos ben o noso traballo. Somos uns veciños máis que estivemos ao lado deles para o que fixo falta. Seguiremos traballando como fixemos ata agora e espero que se sintan tan orgullosos do concello como me sinto eu”.
Así remataba o alcalde de Mazaricos e candidato do BNG, Juan Blanco, a súa entrevista emitida na nosa canle de Youtube Adiante TV.
Canalizando o futuro de Mazaricos
Blanco está satisfeito coa xestión desta lexislatura:”Foron catro anos difíciles pero canalizamos as liñas de futuro do concello e fomos asentando o noso proxecto”.
Entre outros aspectos destacou o “crecemento dun 500%” a nivel turístico e o impulso neste sector con investimentos de catro millóns de euros por parte de particulares que apostaron por este municipio: ”A Ruta das Fervenzas foi un autentico éxito e a Senda de Xallas no que estamos traballando vai ser o gran proxecto para o ano 2024 da zona interior”.
«Defendemos os intereses dos veciños»
Falou ademais da colaboracións con entidades, promoción da cultura e do deporte, servizos sociais, actividades gratuítas para nenos e maiores, e tamén de obras:”Unha das nosas apostas durante os últimos oito anos foi o abastecemento de augas con melloras nas traídas e nos depósitos”.
E non obviou a problemática eólica: “Nunca houbo ningún convenio coas empresas eólicas e agora si” explicou o mandatario para explicar os resultados dunha política negociadora e reivindicativa.
“Defendemos os intereses dos veciños cunha asesoría xurídica e paralizamos seis parque eólicos” matizou.
Esta foi a conversa