Esta fin de semana Neda celebra a XXVIII Festa do Pan. As actividades comenzarán este sábado 3 de setembro coa ruta dos muíños desde o Belelle ata a Fervenza, con saída desde o adro da igrexa de Santa María. Ao regreso haberá unha degustación de empanada, pan e doce no polideportivo do Roxal. E pola noite(22,30h) terá lugar un concerto musical no paseo marítimo de Xuvia, coa actuación de Banda Crebinsky, Cuchufellos e Tarde Piache.
Xa o domingo, as dez da mañá abrirán as súas portas as panaderías e a Feira de artesanía e alimentación. Haberá un pasarrúas con Lumieira e as 12,00 unha homenaxe aos panadeiros e panadeiras de Neda diante da estatua de Carlos García. As 12,30 a actriz Isabel Risco dará lectura ao pregón e entregaranse os premios do concurso do cartaz anunciador do evento e da Ruta dos Pinchos. As 13,00 actuará o grupo Los Zares e media hora máis tarde comezará o xantar composto por empanada, arroz, churrasco,pan, doce, etc…
As actividades da Festa do Pan continuarán pola tarde(16,30h) con música tradicional a cargo de Lumieira, un obradoiro e pan e xogos para os máis pequenos. Como broche actuará Xoán Curiel(18,30h) e Malvela(20,00h).
Este evento está declarado de interese turístico de Galicia,