Agustín Hernández na Encrucillada:”Compostela Aberta está instalada na conformidade e nos traballamos con humildade para resolver os problemas dos cidadáns”.
«Conversa na Encrucillada» con Agustín Hernández
O Presidente do Partido Popular de Santiago e voceiro municipal asegurou en declaracións a Adiante Galicia que o partido “está realizando un traballo humilde e pegado ao chan” para resolver problemas coa intención de que “os cidadáns teñan claro que o PP é a mellor opción para gobernar”.
“Recoñecemos que cometemos erros pero estamos nun tempo novo”
“Nós recoñecemos que cometemos erros en Santiago pero estamos nun tempo novo e estamos traballando mentres Compostela Aberta está instalada na conformidade absoluta” sinalou Hernández.
Nunha nova edición das “Conversas na Encrucillada” que se pode escoitar ou descargar aquí, o voceiro popular denunciou que “despois de algo máis de nove meses hai unha fonda decepción na cidade que está paralizada, con moitos problemas sen resolver e que está perdendo o ritmo que tiña fai un ano”.
“É un clamor na cidade o descontento co goberno”
Entre os problemas existentes, Agustín Hernández referiuse “á empresa de turismo ou o refuxio de animais, onde despediu a xerente sen ter unha alternativa, nos comedores escolares onde demostrou a incapacidade de adxudicar un concurso, a escola infantil, o alumeado de nadal, as relacións coa igrexa, ou a paralización de obras”. Para o líder dos populares composteláns “é un clamor na cidade o descontento cun goberno que está máis en temas mediáticos e de política xeral que nos veciñais”.
A abstención permanente do Partido Socialista
Pero neste diagnose repartiu responsabilidades e apunto cara o PSOE de Paco Reyes:”Compostela Aberta e o PSOE son corresponsables da situación. CA como responsable do goberno e o PSOE como garante de que o goberno poda seguir dirixindo a cidades desde unha posición minoritaria”.
Neste senso reprochou que “a abstención permanente do PSOE» naqueles temas imprescindibles por exemplo para aprobar os orzamentos”.