Iria Quintáns París, a artista das Maroñas(Mazaricos) debutou na verbena galega coa orquestra Gran Parada. E falou con Xosé Manuel Lema nunha entrevista que publicamos en Adiante Galicia.
P-Como foi a estrea na orquestra Gran Parada?
R-A estrea é que foi moitísimo mellor do que me esperaba. Porque era o meu primeiro día na verbena galega, e nunha orquestra coma Gran Parada… aparte de ser o estreo tamén da orquestra, os nervios estaba a flor de pel (risas) pero a verdade é que moi ben. Sentinme moi a gusto cos meus compañeiros e quero seguir disfrutando desta gran experiencia.
P-Pensáchelo moito antes de decidirte a dar o salto ao mundo da verbena?
R-Teño que dicir que si é certo que noutras ocasións, ven cando saín de “Luar”, ofrecéronme estar nalgunha orquestra, e si o pensara moito porque estaba centrada nos meus estudios.
Pero a verdade é que desta vez non. Tiña ganas de facer algo distinto. De aprender algo diferente e o máis importante, facendo o que mais me gusta e sobre todo cando me chamaron de Gran Parada, que sempre a admirei e gustoume moito o seu traballo, non o pensei nin dúas veces.
P-Supoño que estes últimos meses serían de moito traballo nos ensaios…
R-Sí.A verdade é que están sendo meses de moita dedicación, esforzo e traballo, pero merece moito a pena porque logo iso vese recompensado no esceario.
P-Tes moitas ganas de actuar pola zona?
R-Faríame moitísima ilusión tocar pola zona da Costa da Morte, zona a que un día representei.. e zona na que nacín e me criei. Sería algo marabilloso e emocionante.
P-Cóntame un paxariño que o espectáculo de Gran Parada este ano é moi potente…
R-Na miña humilde opinión penso que este ano Gran Parada vai dar un cambio cheo de enerxía e frescura, conservando a esencia da orquestra pero cun punto de vista máis innovador e enfocado para tódolos públicos.
A verdade é que estamos ensaiando e dando todo cada un de nós para que sexa un espectáculo máxico e grandioso. Quero engadir que estou moi contenta de formar parte desta gran formación cunha banda tan consolidada como a que teñen, e cunha dianteira cargada de xente moi profesional e con tantas ganas de traballar e dalo todo.
E sobre todo, con tan boas persoas que forman este equipo. Desde aquí quero animar a toda a xente a que nos veña a ver e como di o nome da nosa xira #descubrelotumismo. Así que terán que vira para descubrilo.
Fotos- Facebook Gran Parada-
Portada- Paula Sara Araújo
Interiores 2 e 3 – José Vilar –
Interior 4- Gran Parada