O multiusos xalleiro acolle o vindeiro venres, 28 de outubro, unha xornada de cooperativismo organizada polos alumnos dun curso de microempresas que se desenvolve en Santa Comba.
A xornada será inaugurada as 9:50h pola alcaldesa de Santa Comba, María Pose Rodríguez, e contará durante a mañá con distintas actividades como unha ponencia sobre comunicación, unha demostración a cargo do colectivo Vella Escola, que se dedica a promoción da cultura urbana mediante o breakdance, o graffiti ou o skateboard ou unha mesa redonda coa asistencia de Xan Ramos(Ganxabar, Forxabar, Juan M. Gómez(rede Eusumo) e outros. Tamén asistirá un representante do Instituto Galego de Promoción Económica (IGAPE) da Xunta de Galicia.
Os alumnos deste curso que dirixe o docente Francisco Bóveda organizaron distintas actividades, entre elas unha charla do director de Adiante Galicia, Xosé Manuel Lema, ou do responsable da empresa Bico de Xeado.
