Unha mala primeira parte do Sofán e os paus propiciaron que un serio Cordeiro se levase os tres puntos do Carral para seguir enganchado ao tren de cabeza.
David Castro (@DavidCastro27)
SD Sofán 0 – 1 Cordeiro CF
SD Sofán: David, Sito (Álex Varela m.81), Adrián, Félix, Rubén, Seo (Xuko m.62), Felipe, Luis (Javi Doldán m.54), Iván Rey, Raúl Insua (Fran m.46) e Raúl.
Cordeiro CF: Diego, Taibo (Gabriel m.81), Damián, Álex, Crego, David (Juanillo m.), Chiño, Manuel Ángel, Gabriel (Valero m.85), Manu (Modaño m.75) e Juanito.
Goles: 0-1 m.27: Manu.
Árbitro: Eric Vázquez Veiras (Colexio coruñés). Estuvo ben. Expulsou a Juanito no minuto 83 por dobre amonestación.
Campo: O Carral (Sofán). Uns 200 espectadores.
Desaparecido estivo o Sofán durante toda a primeira metade ante un serio Cordeiro que chegou saltou ao Carral coas ideas moi claras e que contou con varias ocasións para abrir o marcador.
No primeiro minuto, o gardameta local David xa tivo que intervir para evitar o gol no man a man con Manuel Ángel, quen se prantou ante o porteiro tras un gran pase de Chiño.
Pouco despois disto, David tería que empregarse a fondo para atallar un disparo cruzado de Gabriel.
O Cordeiro era o que chegaba á área rival e tamén o que levaba o control do partido ante un Sofán que se mostraba moi incómodo sobre o terreo de xogo.
Mediada esta primeira metade, os visitantes volvían a mostrar as súas intencións cun disparo lonxano de Chiño que se envenenaba ao botar no céspede e que obrigaba a David a intervir para mandar o esférico a córner.
E tras este aviso, chegaría o 0-1 logo de que Manu, libre de marca, cabecease un saque de esquina botado por Manuel Ángel, resultado co que se chegaría ao tempo de lecer e que facía xustiza ao que se estaba vendo sobre o verde.
Na reanudación, o Cordeiro dedicouse a defender o resultado cunha gran seriedade defensiva, algo que aproveitou o cadro local para acercarse á área rival.
No minuto 55, chegaría o primeiro disparo a porta do equipo de Josito logo de que Raúl se sacase da manga unha volea que non se convertiu en gol grazas a Diego e ao longueiro.
Pero non sería ata o tramo final do encontro cando o Sofán daría un paso á fronte para buscar con insistencia o gol do empate. Os primeiros avisos daríanos Adrián e Sito pero Diego atallaría en dous tempos o disparo do primeiro mentres que o do segundo marcharíase desviado por pouco.
A falta de nove minutos para que se cumplise o tempo reglamentario chegaría a ocasión máis clara do encontro para o cadro sofanista nunha transición rápida pero o remate de Xuko sería rexeitado polo pau cando se cantaba o gol, na continuación da xogada Diego evitaría que o remate de Javi Doldán acabase no fondo das mallas e no rexeite do gardameta, o colexiado anularía o gol de Xuko por fóra de xogo.
O Sofán xogou con un xogador máis dende o minuto 83, algo que propiciou que os homes de Josito se lanzasen polo empate con máis insistencia pero o pau cruzaríase de novo no camiño dos locais para evitar que un cabezazo se convertise no gol da igualada cando pasaba un minuto por riba do tempo reglamentario.