Interpreta “Decamerón” este vindeiro venres no auditorio do multiusos desde as 10 da noite.
O autor teatral, actor e director de escena, Cándido Pazó, é o protagonista da segunda función do ciclo de monólogos cómicos RiXallas que organiza o departamento de cultura do concello de Santa Comba.Nesta ocasión, Pazó pon en escena o espectáculo “Decamerón” baseado no clásico universal escrito por italiano Giovanni Boccaccio. A cita é o vindeiro venres 21 de outubro as dez da noite no auditorio do multiusos. A entrada é de balde.
Cándido Pazó é un dos narradores orais máis recoñecidos de Galicia, actuando en distintos países de Europa e América. No mundo teatral conta con varios premios María Casares e Max.Este venres estará en Santa Comba.Mentres presenta “Decamerón” tamén segue ofrecendo sesións de “Memoria das memorias dun neno labrego” en homenaxe a Xosé Neiras Vilas.
O segundo ciclo RiXallas inaugurouse o pasado venres 14 coa actuación de Pepo Suevos. O encargado de pechar a edición deste ano será o popular humorista José Manuel Rodríguez “ISI”, que actuará o 28 de outubro.Segundo a productora Contraproducións a obra que ofrecerá Pazó en Santa Comba é “unha fórmula híbrida, teatro e narración oral, na que Cándido Pazó combina e optimiza a súa pericia neses dous ámbitos da comunicación escénica, satisfacendo todo tipo de públicos, nun encontro entre o culto e o popular”.
