O portavoz do PSOE anuncia un novo recurso contra a aprobación definitiva da conta xeral.
“Nunca faltei a un pleno en dazaseis anos”lembraba hoxe o voceiro do PSOE de Santa Comba, José Antonio Ucha Velo, para asegurar que senón asistiu ao pleno extraordinario deste mércores foi porque nin él nin a súa compañeira Estefanía Calvelo foron notificados correctamente.
Ucha recoñeceu que recibiu unha chamada da Policía Local pero que en ningún momento lle especificaron que era para un pleno o mércores, e que recibiu a convocatoria física dúas horas antes da sesión.”Primeiro deberían chamar á xente e non poñer horas imposibles para asistir, que o puxeran pola noite e non habería problema” afirmou Ucha que non entende “esta urxencia cando tivemos un pleno ordinario o venres”.
En declaracións a Adiante Galicia,José Antonio Ucha, demandou que os plenos se convoquen con 48 horas de antelación porque “a urxencia é para situacións imprevistas pero este non era o caso” e pensa que o correo electrónico non é un sistema ideal para informar dos plenos extraordinarios.
O portavoz socialista anuncia un novo recurso contra a aprobación definitiva da conta xeral que posteriormente “terá que resolver o pleno” e advirte que “a ilegalidade non a salvan” e insiste en que “na comisión informativa votaron coa porta pechada” o que para Ucha constitúe “un abuso e unha tomadura de pelo”.
A través das redes sociais, a edila socialista Estefanía Calvelo, tamén aseguraba que “non se notificou en tempo e forma” e engadía que “non podo dispoñer de horas ou días no traballo cando lle convén a esta xente”. Calvelo Muñiz considera que o goberno local “deberia polo menos haber consultado ou polo a unha hora normal e non as 14:00 da tarde”.
