//O alcalde de Dumbría, José Manuel Pequeño, valora a actitude de Núñez Feijóo e a unión dos alcaldes// O presidente da Xunta reitera o compromiso de velar polo emprego e a actividade industrial de Ferroatlántica//
O presidente da Xunta de Galicia,Alberto Núñez Feijóo, reuníase este venres cos alcaldes de Cee, Dumbría, Fisterra, Carnota, Zas, Vimianzo, Camariñas, Corcubión e Mazaricos(neste caso acudiu o tenente alcalde Esteban Pereiro por unha viaxe do rexedor) aos que lles garantizou o compromiso da Xunta de velar en todo momento polo emprego e a actividade industrial de Ferroatlántica en Galicia.
Núñez Feijóo asegurou que a prioridade da Xunta é salvagardar o interese público da concesión pero que a día de hoxe non recibiu ningunha solicitude por parte da empresa. Comprometeuse a manter informados aos alcaldes. O conselleiro de Industria,Francisco Conde, manterá unha xunta o vindeiro luns cos representantes do Comité de empresa de Ferroatlántica das fábricas de Dumbría e Cee.
En declaracións a Adiante Galicia, o alcalde de Dumbría, José Manuel Pequeño, agradeceu a posición de Alberto Núñez Feijóo que “entende a situación” e “sabía que non nós ía deixar na estacada”. Para o alcalde despois deste encontro confirmouse que “A Xunta está ao lado do interese público” xa que o presidente reiterou que “vai a defender o título concesional dos encoros e os postos de traballo”.Tamén engadiu que Feijóo “compartiu a responsabilidade e comprometeuse a manternos informados das posibles novidades”
Esta “sensación positiva” de Pequeño Castro reforzase coa unión existente nos alcaldes:“Había tempo que non se vía ós alcaldes da Costa da Morte tan unidos”. Con todo isto o alcalde de Dumbría cree necesario manter a unidade e o apoio social porque a ameaza segue viva:“Gañamos unha batalla pero non a guerra, polo tanto temos que estar alerta e non baixar a garda”.O alcalde de Cee, Ramón Vigo Sambade, tamén expresou a súa satisfacción polo encontro mantido na Coruña, e no que participou o novo delegado territorial da Xunta, Ovidio Rodeiro.
