A CIG alerta sobre a falta de conservación das dependencias xudiciais// Roturas de tubaxes, humidades, deficiencias no aire acondicionado e carencias básicas.
A Confederación Intersindical Galega denuncia “o estado deplorábel” no que se atopa o edificio que acolle ós xulgados de Corcubión.Segundo o sindicato hai unha importante falta de conservación das dependencias onde “as roturas de tubaxes son constantes e provocan fugas de auga en diferentes estancias. A última aconteceu no despacho do fiscal, e deixou a súa pegada no mobiliario e no falso teito “que presenta varios furados e está inchado en determinadas zonas”.
Citan ademáis desperfectos no despacho da xuíza titular do xulgado número 1, e a presenza de humidades nas oficinas, sala de vistas e no arquivo, que provocan o desprendemento da pintura e poñen “en risco o material informático e electrónico e constitúen unha ameaza para a saúde dos e das traballadoras”.
Desde CIG- Xustiza quéixanse de que “a condución do aire acondicionado tamén é deficiente”, deixan pingueiras nalgunhas zonas e provocan “vibracións fortes” no edificio.
Critican que a Xunta de Galicia non fixo nada por resolver estes problemas e reclámanlle a Dirección Xeral de Xustiza “que acometa as reformas necesarias para eliminar todo foco de humidade, condensación e vibracións do edificio”.Alertan da posibilidade de que os falsos teitos acaben desprendéndose “a poidan danar a algunha persoa”.Por último, desde a CIG lamentan a “escaseza de papel hixiénico, panos de papel ou xabón de tocador”.
