Entrevista en Adiante Galicia: “Non houbo viraxe ideolóxica porque non se tocou unha coma dos documentos fundacionais” indica Bascuas que confirma a súa intención de presentarse as primarias e ser candidato á presidencia da Xunta de Galicia.
Audio coa entrevista completa
O secretario xeral de Compromiso por Galicia, Xoán Bascuas amósase satisfeito polo “procedemento democrático” que se viviu na última convención nacional e polo rumbo escollido aínda que lamenta a baixa dalgúns compañeiros e sobre todo “algunhas críticas que non son correctas nin afortunadas”.
“Queremos ocupar o espazo onde se encontra a maioría dos galegos”
“Na última convención houbo un debate estratéxico e non houbo ningunha viraxe ideolóxica” asegurou Bascuas que puxo como exemplo que “o documento programático non recibiu ningunha enmenda e do documentos fundacional non se tocaron nin unha coma”.
Nunha entrevista nas “Conversas na Encrucillada”, o político galeguista indicou:”Había a opción de incorporarse a unha frota pero decidimos facer a viaxe no noso humilde vehículos que é Compromiso”.Aínda que se trata dun partido pequeno ten unha vocación de “ocupar o espazo onde se encontra a maioría dos galegos” e Bascuas está convencido de que “canto máis se nos coñece máis apoio temos”.
“Somos equilibrados e non pretendemos tomar o ceo por asalto”
Defendeu a necesidade dunha opción moderada:”Somos unha oferta equilibrada e razoada, non pretendemos tomar o ceo por asalto senón entrar nas casas cun discurso cabal”.
Xoán Bascuas é consciente de que a súa proposta vai más alá dunhas eleccións pero considera importante que os galegos teñan outra alternativa nun país “cun PSOE sen dirección, sen liderado e sen candidato”, cunha mareas que despois do entusiasmo crearon frustración e cun BNG ao “que lle falta un discurso político de achegamento a cidadanía”. Sen esquecerse do rival a bater, o Partido Popular, co que “Galicia perdeu protagonismo no entramado político do Reino de España por culpa da docilidade pasmona de Feijóo con Madrid”.
O secretario xeral de Compromiso por Galicia, confirmo a Adiante Galicia que “se as circunstancias persoais ou laborais mo permiten presentareime as primarias de Compromiso, porque é o mínimo que lles debo ós meus compañeiros”.
FOTOS ARQUIVO