Valentín González Formoso di que o debate político sobre o papel das deputacións débese admitir “como unha oportunidade, non como unha ameaza». O presidente da Deputación quere activar o motor económico que constitúe a provincia.
O presidente da Deputación provincial da Coruña, Valentín González Formoso defende unha revisión “Valente e seria”da arquitectura administrativa do Estado que mellore a eficiencia da administración e evite a solapación de competencias; considerando que o debate político que existe na actualidade sobre o papel das deputacións debemos plantexalo como unha oportunidade, non como unha ameaza».
Nun almorzo informativo do Nueva Economía Fórum, o presidente da Deputación da Coruña pensa que é “unha asignatura pendente” adoptar medidas para ter unha administración “máis áxil e eficiente”. No caso das institucións provinciais pensa que «conservan anacronismos e inercias do pasado» como «o propio sistema indirecto de elección dos deputados provinciais, amplamente descoñecido e pouco adaptado á realidade social do noso país».
González Formoso manifestou que “a nosa provincia é a auténtica locomotora económica do noroeste español, referencia cultural e educativa» e destacou que a vontade do organismo que preside é precisamente “un novo modelo de xestión” orientado cara a xeración de actividade económica e emprego.
Na súa intervención, Formoso tamén resumiu distintas iniciativas do seu goberno como o Plan de Aforro e Investimentos (PAI), Plan Activamos, ou o P.O.S. e indicou que o goberno provincial aprobou nestes oito meses «preto de 90 millóns de euros a investimentos nos concellos mediante plans con criterios obxectivos», o que considerou «unha cifra récord» para unha administración cun orzamento de 175 millóns.
Neste sentido, anunciou a posta en marcha nos vindeiros meses de «cinco novos plans destinados ao financiamento de investimentos medioambientais, de protección do patrimonio histórico-artístico dos nosos municipios, de apoio ás entidades sociais da provincia, de axuda ás iniciativas de colaboración intermunicipal (fusións, consorcios e mancomunidades) e de fomento do emprego» que sumarán outros 18 millóns de euros.
.jpg)
